不批准世界末日

古馬雅曆法「世界末日」遭曾鈺成否決 曾鈺成不批准世界末日？！

今日就係傳說中馬雅曆法中所謂「世界末日」，面對社會上流言紛紛，facebook上不少朋友都會問番一句「世界末日到了未呀？」。不過，原來世界不末日，全靠香港立法會主席曾鈺成，佢為了打救全世界，竟然不批准世界末日！真係估佢唔到，原來立法會有好多事未傾完，必須續會因此不批淮世界末日...點到你唔服？！



不批准世界末日

「有大量事務 明年須續會」- 曾鈺成不能批准世界末日

話說曾鈺成o尋日打算同議員預告下次開會時間之時，無端端突然一臉正經咁講﹕「各位議員，本會尚有大量事務需要處理，明年係必須續會，所以我不批准世界末日。我現在宣布休會，本會2013年1月9日，星期三上午11時正續會。」咁搞笑o既續會離由，搞到在場議員哄堂大笑，甚至拍掌欣賞曾主席o既幽默感。



不批准世界末日

曾主席o既「不批准世界末日」片段一出，不但引起網民瘋傳，仲有唔少人留言，認為佢「勁過李氏力場，連末日都擋到」。此外，亦有人話「原來最終拯救世界係佢」、「成功爭取取消世界末日」等。有網民仲要求翻譯成英文，一於將呢個消息傳遍國際。

有短片為証，點到你唔服！ 曾鈺成不能批准明日為世界末日


keyword: 不批准世界末日