呂慧儀笑上海仔紅過唐梁
在東西宮略中演出陳法拉師妹的藝人呂慧儀與高海寧、莊思明、高鈞賢等出席欖球賽宣傳活動，被問有否看特首候選人的辯論大會時，呂慧儀說：「學到好多野呀，答完都好似無答過嘢咁，將來我唔想回應提問，就學吓佢地帶人遊花園。」她更認為作為香港人應關心時事，為將來的普選作好準備。呂慧儀表示看報道知道「上海仔」郭永鴻向徐子珊示愛，更笑言對方現在比唐英年及梁振英更有人氣！
唐梁選戰精彩過電視劇
至於高海寧則說：「唔睇新聞都唔知道有『上海仔』呢個人喎，不過唐梁選戰，真係仲精彩過電視劇。」她亦表示支持梁振英：「做特首應該要有承擔，我覺得梁生幾好，會自己企出黎，而唐英年連家都管唔好又點可以管理好香港？佢最叻就係娶咗個好老婆。」
綜觀呂慧儀與高海寧言論，呂可能對梁振英答問表現較為反感，因為遊花園好似係暗串梁振英，高海寧則擺明係梁振英粉絲。
以筆者個人意見遊花園一節，梁的表現真的有點令人不爽，同樣地唐的答問表現更加是乏善足陳，有觀看直播的觀眾應該也有同感，唐生死淨把口只識講:「宜家係唐英年主場！」。唔知咁樣又可以表現出唐生有幾叻呢?
雖然民調結果是梁振英大勝對手，唐生第二，何第三，筆者反而認為何的答問表現不比唐梁差。
但係高海寧果句:「唐梁選戰精彩過電視劇」，個人真係最有同感，本來對政治極度冷感的筆者，全賴有唐梁的精彩選戰，無里頭又沒完沒了的互揭瘡疤，真假難分的黑金政治，加上形象鮮明的企係唐太背後的男人，真係往往令人會心微笑，更甚是引人關注選戰的劇情發展，相比無線的電視劇，戲味之濃可謂贏足幾條街！