銅鑼灣出巡盛女Fans朝拜 盛女王Suki擔心 剩女王Florence嫁唔出
無線節目真人騷《盛女愛作戰》邀請5位剩女尋找真愛，花了半年時間為5名參加者Suki、 Florence、 Bonnie、 Mandy和 Gobby找伴侶，結果28歲文員Suki跑出，由剩女搖身一變成為盛女王，結識了男友Zion，感情穩定。該節目本周一才首播，最高收視直達27點，吸引173萬觀眾追看，相對過往該時段的19點平均收視（約122萬觀眾），增加了51萬觀眾，無線官網有得翻看，首集吸引逾23萬次點擊。盛女王Suki昨日出巡銅鑼灣，人氣爆晒燈，不少途人上前為她打氣，Suke一律照單全收。被網友和觀眾惡評的39歲奄尖女剩女王Florence，Suki也擔心她嫁唔出，勸她放下執著。
圖: 盛女suki
盛女王Suki在人海茫茫中覓得真愛 接受專訪打從心底笑出來
無線節目《盛女愛作戰》唯一覓得男友的盛女王Suki，成功覓得愛郎Zion，有愛情滋潤自然表現風騷，她昨日一身便服到銅鑼灣鬧巿接受本報記者專訪，雖然節目剛播出，但不少途人已認出她，大讚Suki真人靚過上鏡，甚有觀眾緣，其間還有不同年齡的女途人上前要求握手和合照，甚至舉高拇指大讚她No.1，令 Suki甜笑不停。
S： Suki 記：記者
記：好多人支持你。
S：無諗過e家反應咁大，節目出街好正面，我地好需要支持，好大壓力。
記：可有看網上的討論？
S：八卦有睇d，激進高登派就無睇。
記：網民對你批評較少，話你係最好一個？
S：可能我未講野啦，都驚驚地。
記：怕講野暴露缺點？
S：永遠都係講多錯多，同一句說話都有人鍾意有人唔鍾意，我聽到d朋友話呢個女仔無飯食呀？咁瘦咁醜樣就唔好上電視啦，咁我係瘦，無得駁。
陳志雲與 Suki及男友 Zion、 Florence飯敍， Florence熱情搭着工作人員。
巿民紛紛支持盛女王Suki，更力邀Suki合照，人氣認真爆燈。
「光明頂」《盛女愛作戰》【完整版】